Premyer Liqanın XVI turu “Qəbələ”nin baş məşqçisi Roman Qriqorçuk üçün əlamətdar ola bilər. Apasport.az saytının məlumatına görə, əyalət təmsilçisi “Neftçi” ilə ev oyununda qalib gəlsə, ukraynalı mütəxəssisin rəhbərliyi altında 50-ci qələbəsini qazanacaq.

Belə ki, Qriqorçuk “Qəbələ”nin baş məşqçisi kimi 49 dəfə qələbə sevinci yaşayıb. Bunlar 105 görüşdə qeydə alınıb.

“Qırmızı-qaralar” onun rəhbərliyi altında 28 heç-heçə və eyni sayda məğlubiyyət də görüb. Bu görüşlərdə 154 qol vuran qəbələlilər 96 top buraxıb.

Qeyd edək ki, Qriqorçuklu “Qəbələ”nin 49 qələbəsindən 36-sı Premyer Liqa, 8-i Avropa Liqası, 5-i Azərbaycan kubokuna təsadüf edib.

• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı
• Həftənin futbolçusu adına namizədlər BƏLLİ OLDU
• “Mançester Yunayted”də böhran böyüyür – Kerrikdən sərt açıqlama
• Arda Gülər: “Mbappenin qolunu oğurladım, çünki...”