“Sumqayıt”ın məğlubiyyətsiz oyunlar seriyasına son qoyulub. Apasport.az saytının məlumatına görə, “Gənclik şəhəri” təmsilçisi Azərbaycan Premyer Liqasında 106 gündən sonra uduzub.

XVIII turda “Neftçi”yə yenilən (0:1) sumqayıtlılar sonuncu dəfə digər Bakı klubu “İnter”ə “boyun əymişdi”. X turun qarşılaşmasında paytaxt futbolçuları 3:1 hesabı ilə qalib gəlmişdi.

Bundan sonra isə Samir Abasovun yetirmələri ardıcıl 7 qarşılaşmada yenilgi görməmişdi. “Neftçi” (2:0), “Zirə” (1:0) və “Kəpəz”i (3:1) məğlub edən “Sumqayıt” “Kəpəz” (0:0), AZAL (1:1), “Qəbələ” (1:1), “İnter”ə (2:2) qarşı matçlarda 1 xal qazanmışdı.  Bir sözlə, 7 məğlubiyyətsiz görüş sumqayıtlılara 13 xal bəxş etmişdi.

• “Bavariya” - “Arsenal” matçı bu kanalda - TV AFİŞA
• Flikdən PSJ etirafı: “Bizdən daha güclüdürlər”
• Entoni Teylor Türkiyədə MHK-nın yeni sədri oldu
• Sergen Yalçın rəsmən Türkiyə millisində
• Leao İstanbul derbisini buraxacaq