Topaz Premyer Liqasının başa çatan I dövrəsinin 28 matçını cəmi 55 min 828 tamaşaçı izləyib. Apasport.az saytının məlumatına görə, Premyer Liqada orta tamaşaçı sayı 1994-ə yaxındı.

Ümumilikdə isə çempionatımızın ilk 1/4 hissəsinə aparıcı futbol ölkələrində bir matçından da az maraq olub. Məsələn, son turun “Bavariya” – “Köln” qarşılaşmasını 75 min seyrçi izləyib. Bizdəki 27 görüşdə isə bunun 3/4-dən də azdı.

Ayrı-ayrı klubların tamaşaçı sayına gəlincə, siyahıda ilk 4 pillədə paytaxtdan kənar komandalar qərarlaşıb. “Kəpəz” 1-ci, “Sumqayıt” 2-ci, “Qarabağ” 3-cü, “Qəbələ” 4-cüdü. Ümumiyyətlə, “Kəpəz”in 3 ev oyunundakı tamaşaçı sayı digər 25 matçdakının cəmindən çoxdu.

Bakı klubları isə tamaşaçı sayında digərlərindən çox geri qalır. Bu komandalardan “Neftçi” ən yaxşıdısa, çempionatın autsayderi AZAL son sıradadı.

Mövsümün ən az tamaşaçı toplayan qarşılaşmaları da Bakıda keçirilib. AZAL-ın “İnter”, “Qəbələ”nin “Kəpəz”lə Bakıdakı görüşlərində cəmi 300 seyrçi qeydə alınıb. Gəncə təmsilçisinin “Qarabağ”la qarşılaşmasında isə rekord sayda – 14238 tamaşaçı olub.

İlk dövrənin matçları 8 stadionda keçirilib. “Əlincə Arena” daha çox – 7 görüşə ev sahibliyi edib. Bu da onunla bağlıdı ki, iki komanda – “Neftçi” və “Qarabağ” ev oyunlarını burada keçirib.