Mayın 21-dən Avstriyada təlim-məşq toplanışında olan Azərbaycan yığmasının düşərgəsinə daha 2 futbolçu qoşulacaq. Apasport.az saytının məlumatına görə, bunlar Ruslan Abışov və Ağabala Ramazanovdu.

IV İslam Həmrəyliyi Oyunlarında U-23 millimizin heyətində yer almış futbolçular bu səbəbdən əsas yığmanın baş məşqçisi Robert Prosineçkinin sərəncamında deyildilər. Onların Bad-Erlaxa nə vaxt yollanacaqları dəqiqləşib.

Abışov və Ramazanov sabah ölkəni tərk edərək, millinin Avstriyadakı toplanışına qatılacaqlar.

Qeyd edək ki, iyunun 3-dək Bad-Erlaxda hazırlıq keçəcək yığmamız DÇ-2018-in seçmə mərhələsi çərçivəsində ayın 10-da Şimali İrlandiyanı qəbul edəcək.  

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA