DÇ-2018-in seçmə mərhələsinin Cənubi Amerika zonasında XVII turun görüşləri keçirilib. Apasport.az saytının məlumatına görə, üç oyunun qolsuz bitdiyi turda yalnız Çili və Paraqvay qələbə qazanıb.

Sonuncular Kolumbiyanın mundiala birbaşa vəsiqə qazanmasını əngəlləyib və öz şanslarını qoruyub. Çili isə qələbə ilə 3-cü pilləyədək irəliləyib.

Öz meydanında Perunu yenə bilməyən Argentina isə durumunu daha da ağırlaşdırıb. Lionel Messi və komandası artıq 6-cı pillədədi. İlk 4 yerin sahibi mundiala birbaşa vəsiqə qazanıb, 5-ci yer pley-offa getdiyindən argentinalıların vəziyyəti çox çətindi.

Amma onların işinə yarayan bir məqam da ondan ibarətdi ki, Braziliyadan başqa heç bir komanda mundiala vəsiqəni təmin etməyib. Çox mürəkkəb turnir cədvəlində Messi və komandasının taleyi öz əlindədi. Son turda qələbə qazanacaq Argentina ən azı pley-offa yüksələcək.

Çünki 4-5-ci yerlərdə qərarlaşan Peru və Kolumbiya bir-biri ilə görüşəcək. Onlardan ən azı birinin xal itirməsi argentinalıları sevindirəcək. Bu matçın heç-heçə bitməsi isə Argentinanı hətta birbaşa vəsiqə ilə DÇ-2018-in final mərhələsinə daşıya bilər.

DÇ-2018-in seçmə mərhələsi

Cənubi Amerika zonası

XVII tur

5 oktyabr

Boliviya – Braziliya – 0:0

Venesuela – Uruqvay – 0:0

Çili – Ekvador – 2:1

Kolumbiya – Paraqvay – 1:2

Argentina – Peru – 0:0

XVIII tur

10 oktyabr

Braziliya – Çili

Ekvador – Argentina

Paraqvay – Venesuela

Peru – Kolumbiya

Uruqvay - Boliviya

• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi