“Qəbələ”nin futbolçusu Asif Məmmədov avrokuboklarda yubiley oyununu keçirəcək. Apasport.az saytının məlumatına görə, Avropa Liqasının qrup mərhələsinin dekabrın 8-də keçiriləcək VI turunun “Maynts”la Almaniyadakı görüşü 30 yaşlı yarımmüdafiəçi üçün qitə miqyaslı turnirlərdə 30-cu matçı ola bilər.

Bunun üçün futbolçunun “Maynts Arena” stadionuna çıxması kifayətdi. İndiyədək 29 belə oyunda iştirak edən Asif hələlik rəqib qapılarına 3 qol vurub.

Onun avrokuboklardakı debütü 10 il əvvəl baş tutub. “MKT-Araz”da çıxış edən Məmmədov 2006-cı il iyunun 17-daə “Tiraspol”la İmişlidəki qarşılaşmada forma geyinib. Həmin vaxt 1:0 hesablı qələbəyə sevinən yarımmüdafiəçi avrokuboklarda 4 klubun şərəfini qoruyub. O, “Qəbələ” və “MKT-Araz”la yanaşı, “Xəzər Lənkəran” və “İnter”də bu həyəcanı yaşayıb.

Qeyd edək ki, Asifin 29 avrokubok matçında 14-ü “Qəbələ”nin heyətində gerçəkləşib.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı