DÇ-2018-in seçmə mərhələsinin Avropa zonası üzrə IX turunun ilk oyun günü yeni rekordla əlamətdar olub. Apasport.az saytının məlumatına görə, Ermənistan – Polşa matçında (1:6) 3 qol vuran Robert Levandovski Avropa seçmələrinin ən məhsuldar futbolçusuna çevrilib.

Belə ki, hücumçu qol sayını 15-ə çatdırıb. Bununla, Levandovski nəinki DÇ-2018-in, ümumiyyətlə Avropadakı seçmə mərhələlər tarixinin rekordunu müəyyənləşdirib.

Belə ki, DÇ və AÇ seçmələrində bir tsikldə bu qədər qol vuran olmamışdı. Robert Predraq Miyatoviçin DÇ-1998 yolunda müəyyənləşdirdiyi, Kriştianu Ronaldonun elə cari seçmə mərhələdə təkrarladığı 14 qolluq rekordu arxada qoyub.

Bu het-triklə Levandovki həm də Polşa yığmasındakı qol sayını 50-yə çatdırıb. Son matçadək 89 matçda 47 dəfə fərqlənən polşalı yubiley qolunu 90-cı oyununda vurub.

Qeyd edək ki, Azərbaycan yığmasının bir seçmə mərhələdəki ən yaxşı bombardiri cəmi 3 top vurub. AÇ-2004-də Qurban Qurbanov, AÇ-2016-da Dmitri Nazarov, DÇ-2018-də Əfran İsmayılov bunu bacarıb. Levandovski isə onların bir tsikldə vurduğu sayda qolu təkcə Ermənistan səfərində rəqib qapısından keçirib.

• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi