Avropa Liqasının 1/16 final mərhələsinin bütün iştirakçıları müəyyənləşib. Apasport.az saytının məlumatına görə, yarışın qrup mərhələsinin 24 qalibi və Çempionlar Liqasında 3-cü yer sahibləri mükafat uğrunda mübarizəni davam etdirəcək.
Artıq bu 32 komanda səbətlərə də bölünüb. Qrup qalibləri səpələnmiş, ikinciləri səpələnməmişlər sırasında düşüb. Çempionlar Liqasından gələn 8 komanda isə reytinqinə əsasən bu səbətlərə bərabər bölünüb.
1/16 finalın püşkü dekabrın 14-də atılacaq. İsveçrənin Nyon şəhərindəki tədbir Bakı vaxtı ilə saat 16:00-da start götürəcək.
Azərbaycan təmsilçilərinin iştirak etmədiyi mərhələdə qonşu Türkiyənin iki klubu iştirak edəcək. Bunlar “Qalatasaray” və “Fənərbaxça”dı. Onların hər ikisi səpələnməmişlər sırasında yer alıb.
Səpələnmişlər: “Molde” (Norveç), “Liverpul” (İngiltərə), “Krasnodar” (Rusiya), “Napoli” (İtaliya), “Rapid” (Avstriya), “Braqa” (Portuqaliya), “Latsio” (İtaliya), “Lokomotiv” (Rusiya), “Bazel” (İsveçrə), “Tottenhem” (İngiltərə), “Şalke” (Almaniya), “Atletik” (İspaniya), “Mançester Yunayted”* (İngiltərə), “Bayer”* (Almaniya), “Olimpiakos”* (Yunanıstan),”Porto”* (Portuqaliya)
Səpələnməmişlər:
“Fənərbaxça” (Türkiyə), “Syon” (İsveçrə), “Borussiya” (Dortmund, Almaniya), “Midtyulland” (Danimarka), “Vilyarreal” (İspaniya), “Marsel” (Fransa), “Sent-Etyenn” (Fransa), “Sportinq” (Portuqaliya), “Fiorentina” (İtaliya), “Anderlext” (Belçika), “Sparta” (Çexiya), “Auqsburq” (Almaniya), “Şaxtyor”* (Ukrayna), “Qalatasaray”* (Türkiyə), “Sevilya”* (İspaniya), “Valensiya”* (İspaniya)
“*” işarəsi Çempionlar Liqasının qrup üçüncüsü kimi Avropa Liqasına qoşulanları göstərir.
Oxşar xəbərlər
Ana səhifə
Bütün xəbərlər