UEFA-nın klub reytinqi açıqlanıb. Apasport.az saytının məlumatına görə, Çempionlar Liqasının 1/4 final mərhələsinin ilk oyunlarından sonra bəzi komandaların xal hesabında dəyişikliklər olub.
Baş tutan qarşılaşmalar İspaniya, Fransa və İtaliya klublarının aktivini artırması ilə nəticələnib. Amma bunlar ciddi yerdəyişməyə səbəb olmayıb.
453 klubun yer aldığı cədvələ İspaniya “Real”ı başçılıq edir. Dünən madridlilərə 1:2 hesabı ilə uduzan “Bavariya” ikincidi. İspaniyanın digər iki təmsilçisi “Barselona” və “Atletiko” ilk “dördlük”də qərarlaşıb.
İlk “onluq”da 6 ölkə təmsil olunub. Burada İspaniyanın 4, Almaniyanın 2, İtaliya, İngiltərə, Fransa və Portuqaliyanın hərəsinin 1 klubu yer alıb.
Azərbaycan cədvəldə 7 komanda ilə təmsil edilib. Ən yaxşı klubumuz “Qarabağ” 106-cı yerdədi. “Neftçi” və “Qəbələ” də ikinci “yüzlük”dədi. Sonuncular 185-ci, bakılılar 162-cidi. Digər 4 klubumuz isə siyahının ikinci yarısındadı.
İlk “onluq”
1. “Real” (İspaniya) – 168,485
2. “Bavariya” (Almaniya) – 154,842
3. “Barselona” (İspaniya) – 150,485
4. “Atletiko” (İspaniya) – 138,485
5. “Yuventus” (İtaliya) – 133,433
6. PSJ (Fransa) – 126,066
7. “Borussiya” (D, Almaniya) – 124,842
8. “Sevilya” (İspaniya) – 112,485
9. “Benfika” (Portuqaliya) – 111,866
10. “Çelsi” (İngiltərə) – 105,878
Azərbaycan klubları
106. “Qarabağ” – 18,050
162. “Neftçi” – 9,800
185. “Qəbələ” – 7,800
229. “İnter” – 6,050
277. “Xəzər Lənkəran” – 4,550
299. “Kəpəz” – 4,050
307. “Bakı” – 3,800
Oxşar xəbərlər
Ana səhifə
Bütün xəbərlər