Sabah Azərbaycan kubokunda yeni mövsümə start veriləcək. Apasport.az saytının məlumatına görə, turnir 1/16 final mərhələsinin oyunları ilə başlayacaq.
Yarışda 18 komanda iştirak etdiyindən ilk raundda cəmi 2 cüt münasibətlərini ayırd edəcək. I divizion təmsilçilərinin mübarizə aparacağı mərhələnin duelləri 1 qarşılaşmadan ibarət olacaq.
1/8 finala vəsiqələrin sahibləri Qərb - Paytaxt duellərində bəlli olacaq. Belə ki, hər iki görüşdə Bakı klubları ilə ölkənin qərbini təmsil edənlər üz-üzə gələcək.
Eyni saatda başlayacaq matçların ikisində də əyalət klubları ev sahibi olacaq. Ötən il yaranan “Turan Tovuz” ölkə kubokundakı 2-ci mövsümündə “Bakılı”nı sınağa çəkəcək. I divizionun lideri cari mövsümdəki qələbə seriyasını kubokda da davam etdirməyə çalışacaq. İddiasız olan paytaxt klubu isə çempionatdakı uğursuz çıxışı unutdurmağa iddialıdı. Mərhələ adlayacaq komanda 1/8 finalda “Zirə”ni qəbul edəcək.
Liderlər qrupunda qərarlaşan “Şəmkir” isə “Qaradağ Lökbatan”ı qəbul edəcək. Mövsümə ardıcıl 3 qələbə ilə başlayan paytaxt təmsilçisi ardıcıl aldığı məğlubiyyətlərdən sonra uğursuzluq zolağından çıxmaq niyyətindədi. Bu cütün qalibi növbəti mərhələdə Bakı “İnter”inin qonağı olacaq.
Azərbaycan kuboku
1/16 final
12 oktyabr (çərşənbə)
14:00. “Turan Tovuz” - “Bakılı”
Tovuz şəhər stadionu
14:00. “Şəmkir” – “Qaradağ Lökbatan”
Şəmkir Olimpiya İdman Kompleksinin stadionu
Oxşar xəbərlər
Ana səhifə
Bütün xəbərlər