Sabah 21 yaşadək futbolçular arasında AVRO-2019-un seçmə mərhələsinin püşkatması keçiriləcək. Apasport.az saytının məlumatına görə, tədbir İsveçrənin Nyon şəhərində təşkil olunacaq.

Bakı vaxtı ilə saat 12:00-da başlayacaq mərasimdə 54 yığma iştirak edəcək. Onlar final mərhələsi İtaliya və San-Marinoda təşkil olunacaq yarışa vəsiqələr uğrunda mübarizədəki rəqiblərini tanıyacaq.

Püşk bu 54 komandanı hərəsində 6 komanda olmaq şərtilə 9 qrupa böləcək. İştirakçılar püşk zamanı səbətlərdə yer alacaq.

Azərbaycan millisi gücünə görə 5-ci “doqquzluq”da, E səbətində yer alıb. Litva, Ermənistan, Bosniya və Herseqovina, Belarus, Qazaxıstan, Kipr, Latviya və Estoniya da eyni səbətdədi.

Bu isə Yaşar Vahabzadənin yetirmələrinə yalnız bir “asan yem” – daha aşağı səbətdən olan komanda vəd edir. Belə mümkün rəqiblər sırasında Malta, Lüksemburq, Şimali İrlandiya, Farer adaları, San-Marino, Andorra, Lixtenşteyn, Cəbəllütariq və Kosovo yer alıb.

A səbəti

Almaniya, Portuqaliya, İspaniya, İngiltərə, Danimarka, Fransa, İsveç, Çexiya, Serbiya

B səbəti

Slovakiya, İsrail, Hollandiya, Avstriya, Xorvatiya, Belçika, Polşa, İsveçrə, Sloveniya

C səbəti

Ukrayna, Norveç, Rusiya, Türkiyə, Rumıniya, İslandiya, Yunanıstan, Monteneqro, Finlandiya

D səbəti

Uels, Bolqarıstan, Makedoniya, Gürcüstan, Macarıstan, İrlandiya, Şotlandiya, Moldova, Albaniya

E səbəti

Litva, Azərbaycan, Ermənistan, Bosniya və Herseqovina, Belarus, Qazaxıstan, Kipr, Latviya, Estoniya

F səbəti

Malta, Lüksemburq, Şimali İrlandiya, Farer adaları, San-Marino, Andorra, Lixtenşteyn, Cəbəllütariq, Kosovo

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı