Azərbaycan Premyer Liqasının XI turu iki rekordla əlamətdar olub. Hər iki göstərici tamaşaçı sayında gerçəkləşib. 13300 azarkeş toplayan “Kəpəz” – “Qarabağ” görüşü 2017/18 mövsümünün ən çox tamaşaçı toplayan oyunu olub.

Qonaqların 2:0 hesabı ilə qalib gəldiyi Gəncədəki matç bu şəhərdə keçirilmiş daha bir oyunu – “Kəpəz” – “Neftçi” qarşılaşmasını arxada qoyub. Belə ki, əvvəlki 10 turun ən çox izləyici yığan matçı IX turun oyunu idi (8000).

Ümumiyyətlə, XI tur ən çox azarkeş toplaması ilə də diqqət çəkib. Turun görüşlərini 17 min 400 tamaşaçı izləyib. Bu da mövsümün rekordudur. Bunadək rekord IX tura aid idi – 12 min 550 tamaşaçı.

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”