“Komandam bir neçə aydı yaranmasına baxmayaraq, ilk ilimizdəcə uğurlu mövsüm keçiririk. “Zirə”də hər şey ürəyimcədi və Azərbaycanda özümü xoşbəxt hiss edirəm”. Apasport.az saytının məlumatına görə, bunu “Zirə” klubunun hücumçusu Nelson Bonilla deyib.

Salvador mətbuatına açıqlama verən bu ölkənin yığma komandasının üzvü Topaz Premyer Liqası barədə də fikirlərini bildirib. Bu mövsüm aktivinə 3 qol yazdıran Bonilla özünü inkişaf etdirmək üçün ölkəmizin münasib yer olduğunu düşünür: “Azərbaycan çempionatı inkişaf etməkdədi. Bu ölkənin Premyer Liqası Salvador çempionatından daha güclüdü. Məncə, özümü burda yaxşı tərəfdən göstərməyi bacarıram”.

26 yaşlı forvard hədəflərinin mövsümü ilk “üçlük”də bitirmək olduğunu əlavə edib: “Zirə”də futbolçular arasında yaxşı münasibət var. Bunun nəticəsidi ki, ilk mövsümümüzdə medallara iddia edirik. Hazırda turnir cədvəlində üçüncü pillədə yer alırıq və həftəsonu ikinci yerin sahibi olan “İnter”lə qarşılaşacağıq. Aramızda isə cəmi 1 xallıq fərq var. Məqsədimiz qələbə qazanıb ikinci pilləyə yüksəlməkdi. Rəqibi məğlub edəcək gücdəyik”.

Qeyd edək ki, “Zirə” – “İnter” oyunu yanvarın 31-də keçiriləcək.

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"