“Qəbələ”nin futbolçusu Baqali Dabo qol həsrətinə son qoyub. Apasport.az saytının məlumatına görə, fransalı hücumçu Azərbaycan kubokunun yarımfinal mərhələsinin “İnter”lə cavab oyununda fərqlənib.

Hazırda davam edən matçda (2:0) komandasının 2-ci qolunu vuran hücumçu 6 aydan çox çəkən qolsuzluğunu bitirib. Dabo sonuncu dəfə ötən il oktyabrın 2-də rəqib qapısına yol tapmışdı.

Həmin gün Baqali Premyer Liqanın VII turunda “Qarabağ” üzərində 2:0 hesablı qələbəyə qolla töhfə vermişdi. 185 gündən sonra fərqlənən legioner Azərbaycan kubokunda ilk dəfə qol sevinci yaşayıb.

Qeyd edək ki, Dabo “Qəbələ”nin heyətində çempionatda 7, avrokubokda 3 qol vurduğundan “İnter”lə matçdakı top ümumilikdə 11-ci olub.

• "Qarabağ"ın sabiq futbolçusu: "Konyaspor"da xoşbəxtəm"
• "Qalatasaray" Belçika klubunun futbolçusunu istəyir
• "Arsenal"ın futbolçusu 3 həftə meydanlardan kənarda qala bilər
• Fələstinli futbolçu və qızları öldürülüb
• Türkiyə klublarının reytinqi: "Fənərbaxça" nəhənglərin önündə