AFFA-nın baş katibi Elxan Məmmədov "Leaders Under 40 Awards" illik mükafatının idman sahəsində "Liderlik" kateqoriyası üzrə mükafata layiq görülüb. Apasport.az mükafatın rəsmi saytına istinadən xəbər verir ki, laureatların mükafatlandırılması mərasimi dünən Londonda Milli Tarixi Muzeyində keçirilib.

"Leaders Under 40 Awards" hər il idman biznesinin yaşı 40-dan artıq olmayan ən istedadlı idarəçilərinə təqdim edilir.

Mükafatın rəsmi saytında qeyd olunub ki, Elxan Məmmədov ölkəmizdə futbol federasiyasını yenidən strukturlaşdırıb, böyük sayda gənclərin cəlb edilməsiylə futbolun və qadın futbolunun inkişafı üçün uzunmüddətli strategiya təsdiq edib, indi milli komandalar, Premyer Liqa klubları və UEFA tərəfindən istifadə olunan futbol infrastrukturlarını genişləndirib.

Qeyd edək ki, mükafat ümumilikdə 5 nominasiya - "Rəqəmsal texnologiyalar", "Sahibkarlıq", "Liderlik", "Marketinq və PR" və "Satış" üzrə təqdim olunur.