İspaniya La Liqasının XXV turu “Real” üçün əlamətdar olub. Apasport.az saytının məlumatına görə, “kral klubu” “Las Palmas”la matçda heç-heçə (3:3) etsə də, yeni rekord müəyyənləşdirib.

Belə ki, madridlilər ardıcıl 45-ci matçda rəqib qapısına yol tapmağa müvəffəq olublar. Bununla Zinəddin Zidanın yetirmələri İspaniya futbol tarixinə düşüblər. “Real” 1942-1944-cü illərdə ardıcıl 44 qarşılaşmada qol vuran əzəli rəqibi “Barselona”nın rekordunu yeniləyib.

Qeyd edək ki, “Real” sonuncu dəfə ötən il, aprelin 26-da Çempionlar Liqasının yarımfinal mərhələsində “Mançester Siti” ilə görüşdə fərqlənə bilməyib (0:0).

• “Milan”ın futbolçusu avrokuboklarda tarix yazdı
• “Qalatasaray”da ayrılıq siqnalı – Yeni transfer getmək istəyir
• “Beşiktaş”a Orkun Kökçüdən şad xəbər
• Salah Avropa futbolunda tarix yazdı
• İbrahimoviç “Milan”dakı vəzifəsindən ayrıldı