İsrail futbolunda xoşagəlməz hadisə baş verib. Apasport.az saytının xarici mətbuata istinadən məlumatına görə, “Hapoel” (Beer Şeva) ilə “Makkabi”nin (Hafya) U-19 komandaları arasında keçirilən oyunda hakim zədələnib.

Qarşılaşmanın startına bir neçə saniyə qalmış 4-cü hakimin ayağı meydandan kənarda olan çuxura düşüb. Üstü örtülmədiyindən açıq qalan çuxurun qurbanı olan referiyə dərhal ilkin tibbi yardım göstərilib. Ancaq o, oyuna çıxa bilməyib. Xəstəxanaya aparılan hakimin diz qapağının çartladığı aşkarlanıb.

Hadisə ilə bağlı sərt danışan Hakimlər Komitəsinin sədri Uzi Yitzaki arenanın bağladılacağını istisna etməyib: “Bu, çox ciddi hadisədi. Hakimin bəxti gətirdi, daha pis şeylər ola bilərdi. Belə məsuliyyətsizliyə görə, stadionun bağladılması da gündəmə gələ bilər”.

Qeyd edək ki, “Hapoel” - “Makkabi” görüşü 1:1 hesabı ilə başa çatıb.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı