İkinci dövrənin hazırlıqlarının ikinci hissəsinə artıq iki gündü ki start verən "Səbail"in Bakı və Antalya toplanışı çərçivəsində keçirəcəyi yoldaşlıq görüşlərindəki rəqibləri məlumdu. Apasport.az saytının məlumatına görə, yanvarın 10-da MOİK ilə qarşılaşacaq aşağı liqa təmsilçisi, yanvarın 12-də "Neftçi"nin əvəzediciləri ilə üz-üzə gələcək.
Hər iki oyun "Bayıl Arena"da baş tutacaq.
Yanvarın 14-dən etibarən Antalya toplanışına start verəcək komanda Türkiyədə ümumilikdə 3 yoldaşlıq görüşü keçirəcək. Sınaqçı rəqiblərdən ikisinin adı artıq məlumdu.
Yanvarın 19-da "Səbail"in ilk rəqibi "Kiran" (Qazaxıstan) komandası olacaq. Ayın 26-da isə birinci divizion klubu gücünü Macarıstanın "Şeged" komandasıyla sınayacaq. Yanvarın 24-də keçiriləcək yoldaşlıq görüşündəki rəqibin adı isə hələ ki, dəqiqləşməyib.
"Səbail" transfer çalışmalarını da davam etdirir. Komandaya qoşulacaq yeni oyunçuların adları Antalya toplanışından əvvəl ictimaiyyətə açıqlanacaq.
Oxşar xəbərlər
Ana səhifə
Bütün xəbərlər