Çempionlar Liqasının II təsnifat mərhələsinin ilk oyunu çərçivəsində “Samtredia” ilə matça start heyətində başlayan “Qarabağ”ın müdafiəçisi Rəşad Sadıqov üçün oyun uğursuz başlayıb. Apasport.az saytının məlumatına görə, Ağdam klubunun heyətində yubiley – 60-cı oyununa çıxan kapitan “gəmi”ni erkən tərk etməli olub.

Görüşün 21-ci dəqiqəsində zədələnən təcrübəli futbolçu oyunu davam etdirə bilməyib. Yetirməsinin zədələndiyini görən baş məşqçi Qurban Qurbanov yeni transfer Yakub Jezniçakı isinmə hərəkətləri eləməyə yollayıb.

Rəşad isə zədədən sonra cəmi 8 dəqiqə dözə bilib. Qarşılaşmanın 29-cu dəqiqəsində polşalı futbolçu Sadıqovun yerinə oyuna daxil olub.

Qeyd edək ki, hazırda ilk hissəsi davam edən oyunda “Qarabağ” 2:0 hesabı ilə öndədir.

• “Bu, “Bolonya”nın DNT-sində yoxdur”
• Günün oyunları bu kanallarda - TV AFİŞA
• Ançelotti Braziliya millisində antirekorda imza atıb
• 19 yaşlı müdafiəçi daha 4 il “Barselona”da - RƏSMİ
• “Barselona” gənc müdafiəçisi ilə bağlı qərar verdi