Çempionlar Liqasında ən çox oyun keçirən futbolçuların siyahısı açıqlanıb. Apasport.az saytının məlumatına görə, UEFA qitənin ən nüfuzlu klub turnirinin “100-lər” klubunu müəyyənləşdirib.

Söhbət turnirdə 100 və daha çox matç keçirənlərdən gedir. Belə oyunçular siyahısında 29 futbolçu yer alıb.

5 qapıçı, 8 müdafiəçi, 10 yarımmüdafiəçi və 6 hücumçunun qərarlaşdığı siyahıda Azərbaycan təmsil olunmayıb. Ümumiyyətlə, UEFA hesablamasına əsasən heç bir oyunçumuz burada debüt etməyib. Çünki cədvəldə yarışın əsas mərhələləri nəzərə alınıb. Klublarımız isə heç vaxt qrupa qədər irəliləməyib.

Əgər təsnifat mərhələləri sayılsaydı, Azərbaycanın ən yaxşı nümayəndəsi Mahmud Qurbanov olardı. O, Çempionlar Liqasında hamıdan çox – 21 oyun keçirib. Amma bu cədvələ düşməyən yarımmüdafiəçimiz təsnifatda 100 belə matça çıxsaydı da, “ofsayd”da qalacaqdı.

Çempionlar Liqasının “100-lər” klubu

1. Iker Kasilyas - 162

2. Xavi – 152

3. Raul – 142

4. Rayan Giqqz - 141

5. Kriştianu Ronaldo – 133

6. Klarens Zeedorf – 125

7. Pol Skoulz – 124

8. Roberto Karlos – 120

9. Zlatan İbrahimoviç – 119

10. Andres İnyesta – 118

11-12. Xabi Alonso - 115

Karles Puyol - 115

13. Tyerri Anri - 112

14-15. Petr Çex – 111

Lionel Messi – 111

16-19. Filip Lam – 109

Paolo Maldini – 109

Qari Nevill – 109

Com Terri – 109

20-22. Eşli Koul – 108

Partis Evra – 108

Andrea  Pirlo – 108

23. Devid Bekhem – 107

24. Viktor Valdes – 106

25. Frank Lempard – 105

26-27. Luiş Fiqu – 103

Oliver Kan – 103

28. Canluici Buffon – 101

29. Andrey Şevçenko - 100

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı