Madrid “Real”ının yeni baş məşqçisi Zinəddin Zidan komandanın sabiq qapıçısı İker Kasilyası geri qaytarmaq arzusundadı. Apasport.az saytı İspaniya mətbuatına istinadən xəbər verir ki, fransalı çalışdırıcı təcrübəli qolkiperlə danışığa başlayıb.

Zidan Kasilyasa onu “Real”da görmək istədiyini desə də, qarşı tərəfdən müsbət cavab ala bilməyib. Belə ki, 34 yaşlı çərçivə qoruyucusu “qalaktikos”a qayıtmaq istəmədiyini bildirib. Kasilyas hazırkı komandası “Porto”da özünü rahat hiss etdiyini deyib.

Qeyd edək ki, “Real”ın yetirməsi olan Kasilyas 1999-2015-ci illər ərzində “kral klubu”nun formasını geyinib. Ötən il “Porto”ya keçən ispaniyalı futbolçu yeni komandasında bu vaxta qədər 20 oyun keçirib.  

• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb