Kaue da Silva “Neftçi”dən ayrılıb. Apasport.az saytının məlumatına görə, bu barədə klubdan açıqlama verilib.

“Ağ-qaralar”ın rəsmi feysbuk hesabında yer alan xəbərdə bildirilib ki, futbolçu ilə qarşılıq razılaşma əsasında yollar ayrılıb:

“Neftçi”nin futbolçusu Kaue da Silva klub rəhbərliyinə müraciət edərək ona başqa klubdan təklif gəldiyini bildirmişdi. Klub rəhbərliyi öz növbəsində yarımmüdafiəçinin digər kluba keçməsi ilə bağlı müraciətini müsbət cavablayıb. Nəticədə braziliyalı futbolçu ilə müqaviləyə səmərəli şərtlərlə qarşılıqlı razılaşma əsasında xitam verilib.

Bu gün isə Kaue klub rəhbərliyi və komanda üzvləri ilə görüşüb. Futbolçuya “Neftçi”də oynadığı müddətdə komandaya göstərdiyi xidmətinə görə təşəkkür edilib və ona gələcək karyerasında uğurlar arzulanıb”.

Qeyd edək ki, “Neftçi” – “Sumqayıt” oyunundan sonra bakılıların baş məşqçisi Əsgər Abdullayev Kauenin klubdan getməsi xəbərlərini təkzib etmişdi. Çalışdırıcı braziliyalı futbolçunun komandada qaldığını bildirmişdi.

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"