AFFA-nın Klublar Komitəsinin növbəti iclası keçirilir. Apasport.az saytının məlumatına görə, yığıncaqda bir sıra məsələlərə aydınlıq gələcək.
Belə ki, iclasın gündəliyinə AFFA-nın Lisenziyalaşdırma Qrupunun nümayəndələri ilə görüş, Topaz Premyer Liqasında legioner limiti, U-19 Liqasının formatının müzakirəsi (“Qəbələ”nin təklifi), aşağı yaş qrupundan ibarət komandaların yarışlarında hakimliyin səviyyəsi barədə fikir mübadiləsi daxil edilib. Görüşdə həmçinin növbəti mövsüm üçün Premyer Liqanı tərk edəcək və I diviziondan Premyer Liqaya yüksələcək komandaların sayının və digər məsələlərin müzakirəsi nəzərdə tutulub.
Qeyd edək ki, iclasa AFFA-dan rəsmi nümayəndə kimi Elçin Məmmədov, AZAL-dan Fikrət Hüseynov, “Zirə”dən Natiq Hüseynov, “Qəbələ”dən Fariz Nəcəfov, “Qarabağ”dan Əmrah Çəlikəl, “İnter”dən Rəşad Qasımov, “Neftçi”dən Orxan Hüseynzadə, “Sumqayıt”dan Kamran Quliyev və “Kəpəz”dən Mikayıl Nərimanoğlu qatılıblar.
Oxşar xəbərlər
Ana səhifə
Bütün xəbərlər