İtaliya milli komandasının baş məşqçi postuna yenidən Roberto Donadoni gətirilə bilər. Apasport.az saytının məlumatına görə, hazırda “Bolonya”ya rəhbərlik edən mütəxəssis AVRO-2016-nın final mərhələsindən sonra “Skuadra Adzurra”nı çalışdırmağa əsas namizəddi.

O, Fransadakı yarışdan sonra vəzifəsindən ayrılacağı dəqiqləşən Antonio Konteni əvəzləməlidi. Futbolçu kimi də millidə çıxış etmiş Donadoni 2006-2008-ci illərdə də yığmaya rəhbərlik edib.

DÇ-2006-dan sonra dünya çempionu titulunun sahibinin baş məşqçisi təyin olunan mütəxəssis yığmanı seçmə mərhələdəki uğuru ilə AVRO-2008-ə daşıyıb. Bu yarışın qrup səddini adlayan italiyalılar 1/4 finalda çempionatın gələcək qalibi İspaniyaya penaltilər seriyasında uduzub.

Bundan sonra postunu tərk edən Donadoni “Napoli”, “Kalyari” və “Parna”da çalışıb. O, 2015-ci ilin oktyabrından “Bolonya”ya rəhbərlik edir.

• Dövlət Baxçalıdan Hacıosmanoğluya dəstək mesajı - FOTO
• Kontedən “Tottenhem” etirafı: “Məni dəli edən məhz bu idi”
• Arda Gülərdən tarixi rekord – 100 milyon avroya çatdı
• İnyesta: “Yamalın etdikləri normal deyil”
• Jorje Jezuş: “Ronaldoya ehtiyacım var”