ABŞ-da təşkil edilən Amerika Kuboku – 2016-da qrup mərhələsinin ilk turu başa çatıb. Apasport.az saytının məlumatına görə, bu gün səhər D qrupunun oyunları keçirilib.
Son finalçılar Argentina ilə Çili bu dəfə qrup matçında üz-üzə gəliblər. Zədəli Lionel Messinin yoxluğuna baxmayaraq, argentinalılar qələbə qazanaraq, ötənilki məğlubiyyətin əvəzini çıxıblar.
Qrupun digər görüşündə isə Panama Boliviyaya çətinliklə qalib gəlib. Sona 3 dəqiqə qalmış vurulan qol panamalılara 3 xal qazandırıb.
Qeyd edək ki, sabah ikinci tura start veriləcək. Səhər saatlarında A qrupunun komandaları üz-üzə gələcəklər. Meydan sahibi ABŞ-la Kosta-Rika Bakı vaxtı ilə saat 04:00-da, Kolumbiya ilə Paraqvay isə 06:30-da münasibətlərinə aydınlıq gətirəcəklər.
Amerika Kuboku – 2016
Qrup mərhələsi, I tur
D qrupu
Argentina – Çili – 2:1
Qollar: Di Mariya, 51; Baneqa, 59 – Fuenzalida, 90+3
Panama – Boliviya – 2:1
Qollar: Blas Peres, 11, 87 – Arse, 54
Oxşar xəbərlər
Ana səhifə
Bütün xəbərlər