Seçmə mərhələlərin 5-ci pilləsi Azərbaycan millisi üçün doğmalaşıb. Apasport.az saytının məlumatına görə, DÇ-2018-in seçmə tsiklini 6 komanda arasında 5-ci yerdə başa vuran komandamız tarixində 7-ci dəfə bu mövqedə qərarlaşıb.

AÇ-1996-dan beynəlxalq arenaya çıxan yığmamız 12-ci seçmə mərhələsini başa vurub. Bunların yarıdan çoxunda – 7-də isə yerimiz 5-ci olub.

Bundan başqa isə komandamız 1 dəfə 4-cü, 3 dəfə 6-cı, 1 dəfə 8-ci yeri tutub.

Başa çatan seçmə mərhələ əvvəlki tsikllərlə müqayisədə bəzi rekordlarla əlamətdar olub. Komanda tarixində ilk dəfə 3 qələbə qazanıb, ilk dəfə xal hesabı iki rəqəmli ədədlə ifadə olunub – 10 xal.

6 dəfə uduzan yığmamız tarixinin 2-ci nəticəsini təkrarlayıb. Yalnız DÇ-2014-də daha az – cəmi 3 dəfə uduzmuşduq.

Qol sayında isə rekord təkrarlanıb. AÇ-2012-də 10 qol vuran komandamız yenə eyni sayda qol vurub. Əvəzində son 3 mərhələ üçün antirekord sayda – 19 qol buraxılıb. Hərçənd əvvəlki 2 tsikldə bu rəqəm aşağı olub. Bu, ümumilikdə isə 5-ci nəticədi.

Top fərqi “-9” olan yığmamız ikinci göstəricini rəsmiləşdirib. Ən az məğlubiyyət aldığımız DÇ-2014-ün oyunlarında bu rəqəm “-4”ə bərabər idi.

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"