Futzal üzrə Azərbaycan millisi Kolumbiyada keçirilən dünya çempionatında yeni tarix yazıb. Apasport.az saytının məlumatına görə, ilk dəfə mundiala qatılan komandamız qrup səddini aşmağı bacarıb.
Son turda Asiya çempionu İranla qollu (3:3) bərabərliyə imza atan və qrupu ikinci pillədə tamamlayan Miltinyonun yetirmələrinin növbəti mərhələdəki rəqibi də bəllidi. Yığmamız 1/8 final mərhələsində B qrupunu 6 xalla ikinci yerdə başa vuran Tailandla münasibətlərinə aydınlıq gətirəcək.
Komandamızın 1/4 finaldakı potensial rəqibləri də bəllidi. Belə ki, millimiz sentyabrın 22-də gecə saatlarında üz-üzə gələcəyi rəqibini məğlub edərsə, növbəti mərhələdə Portuqaliya – Kosta-Rika cütünün qalibinə rəqib olacaq.
1/8 finaldakı cütlüklər
20 sentyabr
02:30. Rusiya - Vyetnam
05:00. Kolumbiya - Paraqvay
21 sentyabr
02:30. Braziliya - İran
02:30. İspaniya - Qazaxıstan
05:00. Portuqaliya – Kosta-Rika
22 sentyabr
02:30. İtaliya – Misir
02:30. Argentina - Ukrayna
05:00. Tailand – Azərbaycan
Oxşar xəbərlər
Ana səhifə
Bütün xəbərlər