[b]1 pillə irəli[/b]

11.04.2016 - 15:00

FİFA mayın 5-də milli komandaların növbəti reytinq cədvəlini açıqlayacaq. Apasport.az saytının məlumatına görə, siyahıda 209 yığma yer alacaq.

Aprelin 7-də rəsmən dərc olunan cədvəldən sonrakı 28 gündə yığma səviyyəsində qarşılaşmaların demək olar ki, yox dərəcəsində olması dəyişikliklərin azlığına zəmin yaradır. Belə ki, siyahıda çox az dəyişiklik baş verəcəyi gözlənilir.

Proqnozlaşdırılan dəyişikliklər Azərbaycan millisindən də yan ötməyib. Xal hesabı dəyişməsə də, yığmamız bir pillə irəliləyəcək.

Belə ki, heç bir matça çıxmayan Robert Prosineçkinin yetirmələri 269 xalla 133-cü pillədə olacaq. Bu irəliləyişin səbəbi Küveytin 14 pillə geriləməsidi. Asiyalılar 126-cı yerdən 140-cı pilləyə yuvarlanacaq.

Dünyanın 14-cü “onluğ”u

130 (131). Fələstin – 271

130 (132). Bəhreyn – 271

132 (133). Qayana - 270

133 (134). AZƏRBAYCAN – 269

133 (134). Svazilend - 269

135 (136). Namibiya – 267

136 (137). Aruba – 259

137 (138). Madaqaskar – 257

138 (139). Litva – 254

139 (140). Sent-Lusiya – 247

140 (126). Küveyt - 244

Dünyanın ən güclü 10 komandasının mövqeyində də heç bir dəyişiklik olmayacaq. 3 yığma – Belçika, Çili və Braziliya xal hesabını artırsa da, irəliləyə bilməyib.

İlk “onluq”

1 (1). Argentina – 1532

2 (2). Belçika – 1364

3 (3). Çili – 1353

4 (4). Kolumbiya – 1337

5 (5). Almaniya – 1309

6 (6). İspaniya - 1277

7 (7). Braziliya – 1261

8 (8). Portuqaliya – 1184

9 (9). Uruqvay - 1158

10 (10). İngiltərə - 1069

Millimizin DÇ-2018-in seçmə mərhələsindəki rəqiblərinin də mövqeyi dəyişməz qalacaq. Onların xal hesabında da dəyişiklik gözlənilmir.