Azərbaycanın gənclər millisinin debütantı Ozancan Kökçü yenidən Hollandiya mətbuatının gündəminə gəlib. Apasport.az saytının yerli mətbuata istinadən məlumatına görə, hollandlar 18 yaşlı yarımmüdafiəçinin tezliklə İngiltərəyə köçəcəyini düşünürlər.

Belə ki, həm Ozancan, həm də onun 16 yaşlı qardaşı Orkun Kökçü Premyer Liqa klublarının maraq dairəsindədi. Millimizin üzvünü “Mançester Siti”dən sonra “Arsenal” və “Mançester Yunayted” də transfer etmək niyyətinə düşüb. İngilis klubları Hollandiyanın U-17 yığmasına çağırılan Orkunun da xidmətində maraqlıdı. Qardaşları eyni zamanda almaniyalı və ispaniyalı skautlar da müntəzəm izləyirlər.

“Feyenoord”dan ayrılması gözlənilən Ozancanla qardaşı Orkun Hollandiyanın ən istedadlı gəncləri hesab edilirlər. Onlara bu ölkədə “de Bur” qardaşları deyilir. Eyni mövqedə oynamasalar da, Frank de Bur və Ronald de Bur kimi bacarıqlı və komandanı arxasınca aparacaq potensiala malik olduqları düşünülür. İngilislər isə Kökçü qardaşlarını Nevill (Qari-Fil) qardaşları ilə müqayisə edirlər.

Qeyd edək ki, Hollandiya və Türkiyə yığmalarının da gündəmində olan Ozancan Kökçünün tezliklə Azərbaycanın əsas millisinə dəvət edilməsi gözlənilir.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı