Azərbaycan yığmasının yarımmüdafiəçisi Timur Təməltaş Türkiyədə növbəti matçına çıxıb. Apasport.az saytının məlumatına görə, onun şərəfini qoruduğu “Altınordu” PTT I liqasının XIX turunda “Boluspor”u qəbul edib.

Qarşılaşma Təməltaş üçün uğurlu alınmayıb.

Belə ki, onun komandası 85 və 90+1-ci dəqiqədə buraxdığı qollarla 0:2 hesablı məğlubiyyətə düçar olub. Maraqlıdı ki, yığmamızın üzvü meydana məhz 85-ci dəqiqədə daxil olub və komanda yoldaşı Yener Arıcanı əvəzləyib. Timur 90+4-cü dəqiqədə sarı vərəqə alaraq “fərqlənib”.

Qeyd edək ki, bu nəticədən sonra “Altınordu” aktivindəki 27 xalla turnir cədvəlində 9-cu pilləyə enib. Bu komandanı lider “Karabükspor”dan cəmi 6 xal ayırır.

• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI