“Neftçi” ilə yollarını ayıran Georgi Navalovskinin yeni klubunun adına rəsmən aydınlıq gəlib. Apasport.az saytının məlumatına görə, gürcüstanlı müdafiəçi Rusiyanın “OİK-Xabarovsk” klubu ilə münasibətləri rəsmiləşdirib.

Premyer Liqa təmsilçisi rəsmi saytı vasitəsilə transferi bəyan edib. Xəbərdə oyunçunun azad agent kimi kluba keçdiyi də vurğulanıb. Bununla Navalovski 3-cü dəfə “OİK-Xabarovsk”un formasını geyinmək imkanı əldə edib. 31 yaşlı oyunçu 2013-14 mövsümündə və 2016-cı ildə də Rusiya klubunda çıxış edib.

Qeyd edək ki, bu ilin əvvəlində “Neftçi”yə keçən Georgi Navalovski “ağ-qaralar”ın heyətində 15 oyunda meydana çıxıb.

• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq
• “Liverpul” və “Roma”nın sabiq futbolçusu karyerasını başa vurdu
• Kofane “Bayer”lə danışıqları dayandırdı