“Barselona”nın hücumçusu Neymarın karyerasını hansı komandada davam etdirəcəyi müəyyənləşib. Apasport.az saytı xəbər verir ki, bunu Kataloniya klubunun prezidenti Xosep Mariya Bartomeu açıqlayıb.

Yerli mətbuata danışan prezident PSJ-nin maraq dairəsində olan braziliyalı futbolçunun komanda ilə yeni müqavilə imzalayacağını söyləyib: “Neymarla yeni müqavilə məsələsini razılaşdırdıq. Nə biz onun getməsini istəyirik, nə də o burdan ayrılmaq. Futbolçu “Barsa”da xoşbəxt olduğunu deyib. Neymar yaxın günlərdə klubumuzla yeni 5 illik müqavilə imzalayacaq”.

Qeyd edək ki, hazırkı anlaşması 2018-ci ilin yayına qədər olan Neymar yeni müqavilə bağladıqdan sonra “Barselona”da Lionel Messidən sonra ən çox maaş alan futbolçu olacaq.

• Palmer daha 8 il “Çelsi”də - RƏSMİ
• Günün oyunları bu kanallarda - TV AFİŞA
• Super Liqa klubunda yeni təyinat - RƏSMİ
• Türkiyə millisində Montella dövrü başa çatdı – RƏSMİ
• “Barselona”nın ulduzu “Qalatasaray”la oyunu buraxacaq? – Flik açıqladı