DÇ-2018-in seçmə mərhələsində keçiriləcək Azərbaycan – Şimali İrlandiya oyunu ərəfəsində təşkil olunacaq mətbuat konfranslarının və açıq məşqlərin vaxtı müəyyənləşib. Apasport.az-ın AFFA-nın rəsmi saytına istinadən məlumatına görə, iyunun 10-dakı matçdan bir gün əvvəl hər iki komandanın baş məşqçisi jurnalistlər önünə çıxacaq.
Əvvəlcə qonaq komandanın çalışdırıcısı Maykl Onil mətbuat konfransı keçirəcək. Sabah saat 18:15-də başlayacaq konfransdan 45 dəqiqə sonra britaniyalılar son məşqə çıxacaqlar.
Bunun ardından 19:45-də millimizin baş məşqçisi Robert Prosineçki komandanın son durumu barədə jurnalistləri məlumatlandıracaq. 20:15-də isə yığmamız son məşqinə çıxacaq.
Hər iki komandanın məşqinin ilk 15 dəqiqəsi mətbuat üçün açıq olacaq.
Mətbuat konfransları və son məşqlər qarşılaşmanın oynanılacağı Tofiq Bəhramov adına Respublika Stadionunda keçiriləcək.
Oxşar xəbərlər
Ana səhifə
Bütün xəbərlər