UEFA Serbiyanın “Partizan” klubunu cəzalandırıb. Apasport.az saytının məlumatına görə, Belqrad təmsilçisi evdə oynayacağı növbəti iki avrokubok qarşılaşmasını boş tribunalar önündə keçirəcək.

“Partizan” həm də 130 min avro cərimə ödəməli olacaq. Buna səbəb son iki avrokubok matçında qeydə alınan xoşagəlməz hallardı.

Monteneqro “Buduçnost”u ilə (2:0) və Yunanıstan “Olimpiakos”u (1:3) ilə görüşlərdə fanatlar pirotexniki vasitələrdən istifadə edib, meydana kənar əşyalar atıb. Meydana da daxil olan serbiyalı azarkeşlərin irqçi şüarları da cəzaya əlavə təkan verib.

Beləliklə, paytaxt klubu avqustun 17-də Macarıstan “Videoton”u ilə keçirəcəyi Avropa Liqasının pley-off matçını azarkeşsiz oynayacaq.

• “Liverpul”da ciddi itki
• Dünya və Avropa çempionu butslarını mismardan asdı
• Arteta daha 4 il "Arsenal"da - RƏSMİ
• 20 yaşlı azərbaycanlı niyə “Neftçi”yə yox, “Fənərbaxça”ya azarkeşlik edir?
• “Tottenhem” yetirməsini geri qaytarmaq istəyir