Azərbaycan millisi 2016-cı ilin ilk FİFA reytinqində 116-cı pillədə qərarlaşıb. Apasport.az saytının məlumatına görə, yığmamız 2015-ci ilin əvvəli ilə müqayisədə 20 addım irəliləyib.

Bu da komandamızın 2015-ci ildəki çıxışı ilə bağlıdı. Ötən bir il müddətində 8 matçda qüvvəsini sınayan yığmamız 2 qələbə qazanıb, 3 heç-heçə edib, 3 dəfə məğlub olub. 8 qol vurub, 12-ni buraxan komandamız bu qarşılaşmaların nəticələri hesabına 20 pillə irəliləyib.

2015-ci il yığmamızın indiki baş məşqçisi Robert Prosineçkinin rəhbərliyi altında ilk il olub. Düzdü, xorvatiyalı 2014-cü ilin sonunda bu posta təyin olunmuşdu. Lakin onun rəhbərliyi altında bütün matçlar məhz son 1 ilə təsadüf edib. Millimiz də ötən ilin əvvəlindəki mövqeyini 20 pillə yaxşılaşdırıb. Lakin bu göstərici komandanın ən uğurlu nəticələrindən çox uzaqdı.

Belə ki, cəmi 2 il öncə komandamız 94-cü – indikindən 22 pillə yüksəkdə yer alıb. Millinin tarixində ilk “100-lük”də başladığı daha iki il olub. Futbolçularımız 2000 və 2011-ci illərin startında 97-ci pillədə qərarlaşıb.

Azərbaycan millisi üçün ilin ilk reytinqi

• Braziliya millisinin üzvü karyerasını vətənində davam etdirəcək
• Türkiyə klubu fələstinli hücumçu ilə maraqlanır
• Sadettin Saran: "Bu, mənə qarşı böhtan kampaniyasıdır"
• "Milan" Almaniya millisinin hücumçusu ilə müqavilə imzalayıb
• "Liverpul" "Nyukasl"ın ulduzunu izləyir