Futzal üzrə dünya çempionatının 1/4 final mərhələsinin Kalidə keçirilən Azərbaycan – Portuqaliya oyununun statistik göstəriciləri açıqlanıb. Apasport.az saytının məlumatına görə, FİFA qarşılaşmanın rəqəmlərini hesablayıb.

Yığmamızın 2:3 hesabı ilə uduzduğu matç təxminən bərabər səviyyədə keçib. Pireneylilər topa nəzarətdə cüzi üstünlüyə malik olsa da, millimiz çərçivəni daha çox nişan alıb.

Lakin 53 zərbə endirən futzalçılarımız dəqiqlikdə rəqibdən geri qalıb. Ümumiyyətlə 40 dəqiqə ərzində 53 dəfə çərçivəni nişan alan komandamız mundialın yalnız bir matçında daha fəal olmuşdu. Komandamız Tailandla qarşılaşmada 72 zərbə ilə diqqət çəkmişdi.