“Qarabağ”ın baş məşqçisi Qurban Qurbanov Azərbaycan kubokunun ən titullu çalışdırıcısı ünvanına şərik olub. Apasport.az saytının məlumatına görə, bu gün keçirilən finalda “Qəbələ”ni 2:0 hesabı ilə məğlub edən Ağdam təmsilçisi məşqçisinə 4-cü belə sevinci yaşadıb.
Qurbanov klubdakı debütündə - 2008/09 mövsümündə ilk uğurunu qazanmışdı. 2014/15 və 2015/16 mövsümlərində də kubokun sevincini yaşayan mütəxəssis bu gün yarışdakı mükafatlarının sayını rekord həddə çatdırıb.
Onadək Azərbaycan futbolunda yalnız bir mütəxəssis 4 dəfə kubokun qalibi olmuşdu. “Kəpəz”də rekordları sıralayan Mehman Allahverdiyev 1993/94, 1996/97, 1997/98 və 1999/2000 mövsümlərində belə nailiyyət əldə edib.
Qeyd edək ki, ən çox kubok qazanan məşqçilər siyahısında 3-cü yerdə Ağasəlim Mircavadovdu. Onun hesabında 3 kubok var.
Oxşar xəbərlər
Ana səhifə
Bütün xəbərlər