Bu gün keçirilən Topaz Premyer Liqasının XXVI turunun “İnter”lə oyununda qələbə qazanan “Qarabağ” ardıcıl 4-cü, ümumilikdə 5-ci çempionluğunu qazanıb. Apasport.az saytının məlumatına görə, ardıcıl uğurların hamısının memarı olan Qurban Qurbanov baş məşqçi postunda 4-cü dəfə qızıl medallara sahib olub.

45 yaşlı mütəxəssis bununla da çempionluq sayında Azərbaycanın ən titullu məşqçiləri sırasında 2-ci pilləyə şərik olub. O, 4 dəfə çempion olan Kazbek Tuayevə çatıb.

Çempionluq sevinci yaşayan 10 baş məşqçi arasında mütləq rekord isə Ağasəlim Mircavadova məxsusdu. Təcrübəli mütəxəssisin hesabında 5 çempionluq var.

Mehman Allahverdiyev və Böyükağa Hacıyev isə hərəyə 3 dəfə qızıl medal əldə edib. Əhməd Ələsgərov, Kaxaber Sxadadze, Valentin Xodukin, Qyoko Hacıyevski və Arif Əsədovun hərəyə 1 uğuru var.

• “Mançester Yunayted” Simeoneni transfer etmək istəyir
• "Samsunspor"da baş məşqçi dəyişikliyi – Xorvatiyalı mütəxəssis gəlir
• "Milan" serbiyalı müdafiəçi ilə müqaviləni yenilədi
• Yamal Leminaya cavab verdi – "İndi məni tanıdın?"
• A Seriyasında 26 ilin antirekordu