“Mançester Siti”nin baş məşqçisi Pep Qvardiola şəxsi həyatı ilə gündəmə gəlib. Apasport.az saytının məlumatına görə, ispaniyalı mütəxəssis rusiyalı model Viktoriya Lopıryova ilə “yaxalanıb”.

Sakit həyat tərzi və yalnız yaşıl meydanlardakı işi ilə tanınan Qvardiola Lopıryova ilə də stadionda birlikdə görünüb. Belə ki, Çempionlar Liqasının 1/8 final mərhələsindəki rəqibləri “Monako”nun Fransa çempionatının XXII turunda PSJ ilə səfər matçını izləmək üçün Fransaya gedən Qvardiolanın teleaparıcı ilə görüntülənməsi və cütlüyün səmimi olması müxtəlif söz-söhbətlərə səbəb olub.

İspaniya KİV-i 46 yaşlı mütəxəssisin özündən 12 yaş kiçik modellə sevgili olduğunu iddia edib. Lopıryova instaqram səhifəsində Qvardiola ilə birlikdə çəkilən şəklini paylaşıb.

Qeyd edək ki, rusiyalı futbolçu Fyodor Smolovun keçmiş həyat yoldaşı olan Viktoriya Lopıryova eyni zamanda gələn il Rusiyada keçiriləcək dünya çempionatının səfiridi.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı