Dünyanın ən həyəcanlı futbol matçlarından biri hesab olunan “Real” – “Barselona” qarşıdurmasının bu mövsümkü ilk oyununa saatlar qalıb. Apasport.az saytının məlumatına görə, “El-Klasiko”ya yaxınlaşdıqca müxtəlif maraqlı məqamlar diqqət mərkəzinə gəlir.

İspaniya mətbuatında yer alan yazıların birində isə hər iki komandanın heyətində bu möhtəşəm həyəcanı yaşamış 10 əfsanə futbolçudan bəhs edilib.

1. Xavyer Savyola

Gənc yaşlarında “Barselona”ya transfer olan, Kataloniya klubu tərəfində iki il “Monako” və “Benfika”ya icarəyə verilmiş, daha sonra isə “Real”a transfer olunmuşdu.

2. Ronaldo

Avropa futboluna PSV ilə salam deyən Ronaldo bir mövsüm “Barselona” forması geyindikdən sonra 4 il “İnter”də çıxış etmişdi. Ardından 2002-ci ildə “kral klubu”na keçən “fenomen” bir neçə dəfə köhnə klubuna qarşı meydana çıxıb.

3. Luiş Fiqu

Beş mövsüm “Barselona” forması geyindikdən sonra sensasiyalı şəkildə “Real”a keçən portuqaliyalı o vaxt kataloniyalı azarkeşlər tərəfindən ciddi qınaq obyekti olmuşdu.

4. Corc Haci

Rumın əfsanə Haci ölkəsində çıxış etdiyi klubdan “Real”a keçəndən sonra Madrid klubundan da ayrılıb 2 il “Breşiya”da oynamışdı. 1994-cü ildə “Karpatların Maradonası” yenidən İspaniyaya dönsə də, bu dəfə “Barselona”nı seçmişdi.

5. Albert Selades

“Barselona” akademiyasında yetişən Selades 4 il Kataloniya klubunun formasını geydikdən sonra əvvəlcə “Selta”ya, ardınca isə “Real”a transfer olmuşdu.

6. Robert Prosineçki

Hazırda milli komandamızın baş məşqçisi olan xorvat futbolçu 3 il “Real”da oynadıqdan sonra Madrid klubundan ayrılıb öncə “Ovyedo”ya, ardınca isə 2 il çıxış edəcəyi “Barselona”ya transfer olmuşdu.

7. Luis Enrike

“Barselona”nın baş məşqçisi Luis Enrike futbolçuluq vaxtlarında 5 il “Real” forması geyindikdən sonra Kataloniya klubuna keçmiş və “Barselona”nın əfsanəsi olmuşdu.

8. Mixael Laudrup

Danimarka futbolunun yetişdirdiyi əsas oyunçulardan biri olan Mixael Laudrup “Barselona”da keçirdiyi 5 möhtəşəm mövsümdən sonra “Real”a keçmişdi.

9. Samuel Eto`o

Gənc yaşından “Real”a transfer olunan ancaq Madriddə heç cür özünü tanıda bilməyən Eto əvvəlcə “Malyorka”ya, ardınca isə karyerasının ən gözəl illərini keçirəcəyi “Barselona”ya keçmişdi.

10. Bernd Şuster

Keçmiş alman futbolçu 8 mövsüm “Barselona”da oynadıqdan sonra “Real”a transfer olmuş və böyük qınaqlarla üz-üzə qalmışdı.

Hazırladı: Zaur XUDİYEV

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı