Rumıniya mətbuatı avrokuboklara vəsiqə əldə edən yerli klubların potensial rəqibləri barədə araşdırma aparıb. Apasport.az saytının məlumatına görə, “Vitorul” və “Styaua”nın gələn mövsümdən Çempionlar Liqasında (ÇL), Buxarest “Dinamo”sunun isə Avropa Liqasında (AL) iştirakı dəqiqdi.

“Vitorul”la “Styaua” ÇL-in, “Dinamo” isə AL-in III təsnifat mərhələsindən mübarizəyə başlayacaq. Mümkün rəqiblər barədə geniş yazı hazırlayan həmkarlarımız “Qarabağ”dan da söz açıblar.

Maraqlıdı ki, rumınlar ÇL-in II mərhələsindən yarışa qoşulacaq Azərbaycan çempionunun mərhələ adlamasını arzulayırlar. Çünki onların fikrincə, komandaları üçün növbəti mərhələdə ən münasib rəqiblərdən biri məhz “Qarabağ”dı. Hətta rumınlar ÇL-də olmasa belə, Avropa Liqasının pley-off mərhələsində Ağdam təmsilçisi ilə qarşılaşmağın əleyhinə deyillər.

“Qarabağ”la yanaşı, Rumıniya klubları üçün “Maribor”, “Astana”, “Zalsburq”, “Dinamo” (Zaqreb) və “Slaviya” da arzulanan komandalardı. Onların çəkindikləri potensial rəqiblər isə “Olimpiakos”, “Kopenhagen”, BATE və “Ludoqorets”di.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA