“Şüvəlan” klubunda baş məşqçi Tərlan Əhmədovun taleyinə rəsmən aydınlıq gəlib. Klubdan apasport.az saytına verilən məlumata görə, 46 yaşlı çalışdırıcı ilə yollar ayrılıb.

Ötən mövsüm Premyer Liqada sonuncu yeri tutaraq, I diviziona yuvarlanan AZAL bir müddət əvvəl adını dəyişərək “Şüvəlan” olmuşdu. Paytaxt klubunun vitse-prezidenti Fikrət Hüseynov baş məşqçinin qalıb-qalmayacağına yaxın günlərdə aydınlıq gələcəyini bildirmişdi.

Rəhbərlik aşağı liqada çalışmaq istəməyən Əhmədovla qarşılıqlı razılıqla vidalaşıb.

Qeyd edək ki, “Xəzər Lənkəran” və “Neftçi”də köməkçi-məşqçi kimi fəaliyyət göstərmiş Tərlan Əhmədov 2014-cü ildən AZAL-ı çalışdırıb.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA