Türkiyə Kubokunda 1/4 final mərhələsinin cütlükləri məlum olub. Apasport.az saytı xəbər verir ki, bu gün Türkiyə Futbol Federasiyasının binasında püşkatma mərasimi keçirilib.

Yoluna davam edən yeganə aşağı liqa təmsilçisi “Amedspor” “Fənərbaxça” ilə qarşılaşacaq. 1/8 finalda “Trabzonspor”u mübarizədən kənarlaşdıran “Akhisar” isə bu dəfə “Qalatasaray”a rəqib olub.

İki görüşdən ibarət olacaq 1/4 final mərhələsinin matçları fevralın 9-11-də və martın 1-3-də oynanılacaq.

Həmçinin yarımfinal mərhələsinin də püşkü atılıb. “Beşiktaş” və “Fənərbaxça” mərhələ adlasalar, yarımfinalda üz-üzə gələcəklər. Yəni prinsipial rəqiblər “Fənərbaxça” ilə “Qalatasaray” yalnız finalda qarşılaşa bilərlər. Bu mərhələnin görüşləri isə 19-21 aprel və 10-12 may tarixlərində keçiriləcək.

1/4 final mərhələsinin cütlükləri

“Beşiktaş” – “Konyaspor”

“Amedspor” – “Fənərbaxça”

“Akhisar” – “Qalatasaray”

“Başakşəhər” – “Çaykur Rizəspor”

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"