UEFA illik gəlirini artırmağa hazırlaşır. Apasport.az saytı xarici mətbuata istinadən xəbər verir ki, qitənin ali futbol qurumunun qazancı 3,2 milyardı əhatə edə bilər.

Gəlirin 2018/2019 mövsümündən etibarən artırılması nəzərdə tutulub. Bu, Çempionlar Liqasının formatı və matçların başlanma saatındakı dəyişikliklərin hesabına reallaşacaq.

UEFA-nın ötən mövsüm gəliri 2,35 milyard avro olub.

Bundan əlavə, marketinq gəliri üzrə də yeni model hazırlanır. Bu, ilk növbədə, top-çempionatların təmsilçiləri üçün faydalı olacaq.

Qeyd edək ki, avqustun 6-da UEFA-nın İcraiyyə Komitəsində qəbul edilən qərara əsasən, 2018/2019 mövsümündən başlayaraq, 4 ən reytinqli çempionatın 4 güclü komandası birbaşa Çempionlar Liqasının qrup mərhələsində oynamaq şansı qazanacaq. 

• “Difai”də yeni təyinat - RƏSMİ
• “Barselona” və PSJ eyni futbolçunu hədəfləyir
• “Mançester Yunayted” Simeoneni transfer etmək istəyir
• "Samsunspor"da baş məşqçi dəyişikliyi – Xorvatiyalı mütəxəssis gəlir
• "Milan" serbiyalı müdafiəçi ilə müqaviləni yenilədi