Çempionlar Liqasının 1/8 final mərhələsində baş tutan “Barselona” – PSJ görüşü UEFA-nın diqqət mərkəzinə düşüb. Apasport.az-ın qurumun rəsmi saytına istinadən məlumatına görə, yerli azarkeşlərin oyun zamanı hərəkətləri Kataloniya klubuna baha başa gələ bilər.

Belə ki, meydan sahiblərinin 6:1 hesabı ilə qalib gəldiyi qarşılaşma zamanı ispan fanatların tribunadakı davranışı ilə bağlı UEFA araşdırma aparmaq qərarına gəlib. Bu səbəbdən də baş verənlərə görə intizam istintaqı başladılıb. UEFA-nın Nəzarət, Etika və İntizam Komitəsi martın 23-də məsələyə baxacaq.

Qeyd edək ki, Parisdə 0:4 hesabı ilə məğlub olan “Barselona” cavab qarşılaşmasındakı qalibiyyətə (6:1) görə, 1/4 final mərhələsinə adlayıb.

• “Qalatasaray”da ayrılıq siqnalı – Yeni transfer getmək istəyir
• “Beşiktaş”a Orkun Kökçüdən şad xəbər
• Salah Avropa futbolunda tarix yazdı
• İbrahimoviç “Milan”dakı vəzifəsindən ayrıldı
• Salahdan unikal nailiyyət - ÜÇÜNCÜ FUTBOLÇU OLDU