Avropa Liqasının ikinci təsnifat mərhələsi çərçivəsində keçiriləcək "Neftçi” – "Şkendiya” oyunu öncəsi keçiriləcək mətbuat konfranslarının vaxtı açıqlanıb. Apasport.az klubun saytına istinadən xəbər verir ki, “ağ-qaralar”ın baş məşqçisi Vəli Qasımovun mətbuat konfransı iyulun 13-də 8-ci km qəsəbə stadionunda keçiriləcək və saat 18:10-da başlanacaq.

Konfransdan sonra, saat 18:30-da “Neftçi”nin media nümayəndələri üçün açıq (ilk 15 dəqiqəsi) məşqi baş tutacaq.

Həmin gün saat 19:40-da “Şkendiya” klubunun baş məşqçisinin mətbuat konfransı, 20:00-da isə komandanın açıq məşqi (ilk 15 dəqiqəsi) olacaq.

Qeyd edək ki, iyulun 14-də 8-ci km qəsəbə stadionunda keçiriləcək "Neftçi” – "Şkendiya” oyunu saat 20:00-da başlanacaq.

• Yusuf Yazıcı üçün 4 namizəd
• Flik: “Barselona” Çempionlar Liqasını qazana bilər”
• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb