Avropa Liqasının II təsnifat mərhələsinin cavab oyunları çərçivəsində Makedoniyada “Şkendiya”nın qonağı olacaq “Neftçi” hazırlığını davam etdirir. Klubun mətbuat xidmətindən apasport.az saytına verilən məlumata görə, “ağ-qaralar” oyunöncəsi Bakıdakı son məşqlərini sabah keçirəcəklər.

Vəli Qasımov yetirmələrini səhər saatlarında bir araya gətirəcək. 08:30-da keçiriləcək məşqin klubun bazasında baş tutacağı gözlənilir.

Komanda səhər məşqində iştirak etdikdən sonra dərhal Heydər Əliyev Beynəlxalq Hava Limanına yola düşəcək. Bakı – İstanbul – Skopye aviareysi ilə hərəkət edəcək “Neftçi” paytaxtı 13:00-da tərk edəcək.

Qeyd edək ki, “Şkendiya” – “Neftçi” matçı iyulun 21-də keçiriləcək.  

• Fatih Terimin komandasında ayrılıq
• Malen "Aston Villa"da
• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi