Rusiya MOİK-inin qapıçısı İqor Akinfeyev yeni rekorda imza atıb. Apasport.az saytının məlumatına görə, Premyer Liqanın “Tom”la qarşılaşmasında (4:0) qapısını toxunulmaz saxlayan 30 yaşlı qolkiper 161-ci quru oyununu keçirib.
İqor bununla SSRİ və Rusiya miqyaslı yarışlarda 100 və daha çox matç keçirənlərin siyahısında 1-ci yeri ələ alıb. Akinfeyev 160 quru matç keçirən əfsanəvi Lev Yaşini arxada qoyub.
Azərbaycan futbolunun əfsanəsi Sergey Kramarenko bu siyahının 10-cu pilləsinə şərikdi. “Neftçi”nin sabiq qapıçısı SSRİ çempionatlarında 116 quru matç keçirib.
Müqayisə üçün müstəqillikdən sonra keçirilən Azərbaycan çempionatlarında 2 qapıçının 116-dan da çox matçda qapısını qoruya bilib. Bunlar hesabında 139 quru matçla çempionatlarımızın rekordçusu olan Rauf Mehdiyev və ondan 19 oyun geri qalan Hüseyn Məhəmmədovdu.
Oxşar xəbərlər
Ana səhifə
Bütün xəbərlər