“Fikrimcə, yaxşı, maraqlı oyun keçdi. Əfsuslar olsun ki, qalib gələ bilmədik”. Apasport.az saytının “Kəpəz”in feysbuk səhifəsinə istinadən məlumatına görə, bunu Gəncə klubunun baş məşqçisi Yunis Hüseynov deyib.

O, Topaz Premyer Liqasının XXII turu çərçivəsində “Keşlə” ilə ev oyunundan sonra fikirlərini bölüşüb: “Bəxt amili bugünkü oyunda öz sözünü dedi. Rəqib də yaxşı təsir bağışladı. İmkanlarımız çox oldu. Bu görüşdə yaratdığımız qol epizodları digər matçlarda yaranan fürsətlərin cəmindən çox idi. Sadəcə, istifadə edə bilmədik. Qələbə qazanmağı çox istəyirdik. Çünki “Keşlə” ilə xal fərqimizi azaltmaq niyyətində idik”.

Qeyd edək ki, “Kəpəz” – “Keşlə” oyunu 1:1 hesabı ilə nəticələnib.

• Bir dövrün sonu - XORVATİYALI "REAL"DAN AYRILIR - RƏSMİ
• Almaniya millisinin heyəti açıqlanıb
• “Bayer”in futbolçusu Madridə yollanıb
• Mourinyo “Fənərbaxça”dan ayrılır?
• "Real" Rodriqonun transfer qiymətini müəyyənləşdirib