“İnter” heyətini Aleksandr Amisulaşvili ilə gücləndirib. Apasport.az saytı ölkəmizi Avroliqada təmsil edəcək “bankirlər”in yeni transferinin kimliyini sizə təqdim edir.
Aleksandr Amisulaşvili 1982-ci ilin avqustun 20-də Gürcüstanın Telavi şəhərində anadan olub. Doğma şəhərinin “Kaxeti” klubunun yetirməsi olan Saşa bundan başqa, Kutaisi “Torpedo”su və “Samtredia” kimi komandalarda çıxış edərək Tbilisi “Dinamo”suna kimi yüksəlib. Məhz bu klubun “qızıl dubl” etməsində rolunun olması Amisulaşvilinin 2003-cü ildə Kiyev “Dinamo”suna transfer edilməsinə səbəb olub.
Düzdür, o, Kiyev klubunun əsas komandasında cəmi 2 oyun keçirə bilib. Bu da Ukrayna Kuboku matçları zamanı olub. Aleksandr “Dinamo”nun aşağı dəstədə çıxış edən II və III komandalarında, eləcə də “Dnepr”də icarə əsasında çıxış edib. Bundan sonra Tbilisi “Dinamo”suna qayıdan futbolçu bu dəfə “Tavriya” və “Şinnik”də icarədə oynayıb. Onun istedadı isə 2007-ci ildə keçdiyi “Spartak-Nalçik”ində üzə çıxıb. Müdafiəçi burda 3 il ərzində 98 oyuna 10 qol vurub.
Amisulaşvilinin Türkiyə karyerası isə “Kayserispor”da 2010/11 mövsümünü əhatə edir. Şota Arveladzenin rəhbərliyi altında 22 oyuna 1 qol vuran mərkəz müdafiəçisi son 2 mövsümü ardıcıllıqla “Krasnodar” və “Krılya Sovetov”da keçirib. O, son klubunda 38 oyuna 1 qol vurub. Onun hələ Samara təmsilçisi ilə 1 illik müqaviləsi qalsa da, iyunun 10-da qarşılıqlı şəkildə anlaşma pozulub. Müqavilənin erkən pozulmasına səbəblərdən biri isə Rusiyada legionerlərin sayına sərt məhdudiyyətin qoyulmasıdır.
“İnter”in yeni transferi 2003-cü ilin fevralın 12-də Moldova ilə yoldaşlıq oyunu zamanı yığmasında debüt edib. O, ilk qolunu 2005-ci ilin martın 30-da seçmə mərhələnin Türkiyə ilə oyununda vurub. Amisulaşvili yığmadakı digər 2 qolunu isə 2012-ci ildə Albaniya və Lüksemburqla yoxlama görüşlərində rəqib qapısından keçirib. Aleksandr sonuncu dəfə yığmaya ötən ilin sentyabrın 10-da Finlandiya ilə görüş zamanı çağırılıb.
Qeyd edək ki, 31 yaşlı futbolçu “İnter”lə müqavilə bağlamayıb Fransanın aşağı dəstə klubu ilə anlaşan Brüs Abdulayın yerinə transfer olunub.
Aleksandr Amisulaşvili kimdir?
14.06.2014 - 14:59
0
0
Oxşar xəbərlər
Ana səhifə
Bütün xəbərlər
Hesabım